Fryske foarstelling: Pier21 – ‘Wat spilet’

Wat spilet – In repetysje foar it libben. It Fryske teäterselskip Pier21 spilet op sneon 24 oktober 2026 om 20.00 oere hun nijste foarstelling yn Theaterkerk Nes. It is in yndrukwekkende foarstelling oer famylje, geheimen en hoe’t âlde pine ûnbewust trochwurket yn it no.

By in besletten repetysje treffe we in jonge regisseuse en in ferneamd aktrise. Wat begjint as in profesjonele wurksesje, feroaret wannear’t de aktrise fêstrint yn har Fryske memmetaal. Foar har is dy taal sterk ferbûn mei de pine út har jeugd. In ferburgen famyljeferhaal komt stadichoan nei boppen.

Yn dizze tragikomyske foarstelling bringe Anna Raadsveld en Merel Staalstra mei humor, skerpte en kwetsberheid twa froulju ta libben dy’t hieltyd tichter by in dielde skiednis komme. Mei in tekst fan Roos Bottinga en rezjy troch Mara van Vlijmen makket Pier21 in foarstelling oer wat famyljes trochjouwe sûnder wurden. Oer wat wy meinimme út ús jeugd. En oer de fraach hoefolle fan dat ferline noch altyd yn ús trochwurket.

Bestel dyn tickets (€26,50 it stik) fia dizze webside. 

Meer evenementen van Theaterkerk Nes? Bekijk hier ons programma